Նորություններ

Սույն թվականի մարտի 15-ին Հայաստանի ամերիկյան համալսարանում տեղի ունեցավ «Թվինինգ» ծրագրի եզրափակիչ կոնֆերանսը։

Ծրագրի նպատակը կենսաբազմազանության և բնության պահպանության բնագավառում ՀՀ օրենսդրության բարելավումն ու բնության պահպանության հարցերով պատասխատանու գերատեսչությունների արդյունավետության բարձրացումն է։

Շուրջ երկու տարի տևած «Թվինինգ» ծրագիրը մոտենում է ավարտին։ Ծրագիրը կամփոփվի եզրափակիչ կոնֆերանսով, որը տեղի կունենա սույն թվականի մարտի 15-ին՝ Հայաստանի ամերիկյան համալսարանում։ Կոնֆերանսի ընթացքում «Թվինինգ» ծրագրի թիմը հայ գործընկերներին, ոլորտի շահագրգիռ կողմերին և աջակիցներին կներկայացնի Ծրագրի ընթացքում արված եզրահանգումները և արձանագրված արդյունքները:

ՀՀ շրջակա միջավայրի նախարարության, ՀՀ կառավարության, ‹‹Հիդրոօդերևութաբանության և մոնիթորինգի կենտրոն›› ՊՈԱԿ-ի, ինչպես նաև «Զանգեզուր» կենսոլորտային համալիր» ՊՈԱԿ-ի 6 ներկայացուցիչ Չեխիա կատարած այցի շրջանակներում ծանոթացան «էմերալդ» տարածքների սահմանման, կառավարման գործընթացներին և կենսաբազազանության մոնիթորինգի նկատմամբ Չեխիայի Հանրապետության կողմից որդեգրված մոտեցմանը։ 

ՀՀ շրջակա միջավայրի նախարարության, ՀԿ-ների, Չեխիայի Հանրապետության բնության պահպանության գործակալության և Ֆինլանդիայի բնապահպանության ինստիտուտի (SYKE) շուրջ 38 փորձագետ քննարկել են Հայաստանի Հանրապետության կենսաբանական բազմազանության պահպանության, պաշտպանության, վերարտադրության և օգտագործման բնագավառներում առաջարկվող ռազմավարությունը։ Ռազմավարությունում նաև անդրադարձ է կատարվում  Կենսաբանական բազմազանության գլոբալ շրջանակի (Կունմին-Մոնրեալ) քննարկման արդյունքում համաձայնեցված թիրախներին։

Աշխարհի 160-ից ավելի երկրների ներկայացուցիչներ Մոնրեալում համաձայնության հասան մինչև 2030թ․ ժամանակահատվածը ներառող՝ կենսաբազմազանության պահպանությանն ուղղված բեկումնային ծրագրի շուրջ։ Այսօր ընդունված գլոբալ շրջանակով նախատեսվում է ցամաքային և ծովային պահպանվող տարածքների համամասնության զգալի մեծացում, վայրի բնության պահպանության ֆինանսավորմանն ուղղված կայուն աղբյուրի ստեղծում, ինչպես նաև թունաքիմիկատների օգտագործման աստիճանական նվազեցում։

«Կենսաբազմազանության հզորացված պաշտպանություն և կայուն օգտագործում Հայաստանում՝ Եվրոպական միության չափանիշներին համապատասխան» Թվինինգ ծրագրի շրջանակներում «Խոսրովի անտառ» պետական արգելոց» ՊՈԱԿ-ի աշխատակազմի համար կենսաբազմազանության մոնիթորինգի վերաբերյալ կարողությունների զարգացմանն ուղղված դասընթացներ և դաշտային ցուցադրություններ են կազմակերպվել Ֆինլանդիայի բնապահպանության ինստիտուտի (SYKE) մասնագետների կողմից։

ՀՀ շրջակա միջավայրի և դրան ենթակա ՊՈԱԿ-ների յոթ ներկայացուցիչ սույն թվականի հոկտեմբերի 8-13-ը ճանաչողական այցով գտնվում էին Ֆինլանդիայում։ Այցի շրջանակներում քննարկվող հիմնական թեմաներն էին Ֆինլանդիայում բնության պահպանության ոլորտի ինստիտուցիոնալ կառուցվածքը, կենսաբազմազանության մոնիթորինգի փորձն ու գործելակերպերը, ինչպես նաև կենսաբազմազանության վերաբերյալ տվյալների հոսքի կառավարումը։

Հայաստանի շրջակա միջավայրի նախարարությունը և Չեխիայի բնության պահպանության գործակալությունը անցյալ շաբաթ անցկացրեցին տասը մարզերում նախատեսված վերջին սեմինարները։

Հայաստանի տարբեր կառույցների, ՊՈԱԿ-ների, ՀԿ-ների ներկայացուցիչներ Չեխիայի Հանրապետություն այց կատարեցին՝ բնության պահպանության ոլորտում Եվրոպական միության մոտեցումներին ծանոթանալու նպատակով։ Ութ մասնակիցները այցելեցին «Պոդիյի» ազգային պարկ և «Պալավա», «Զդարսկե վըրխի» պահպանվող լանդշաֆտային տարածքներ, որտեղ հանդիպեցին Չեխիայի բնության պահպանության մասնագետների հետ։

ՀՀ Շրջակա միջավայրի նախարարությունում կայացավ Հայաստանի կողմից ստորագրված կոնվենցիաների վերաբերյալ սեմինար։ Նախարարության տարբեր վարչությունների աշխատակիցներին ներկայացվեցին բնության պահպանության ոլորտի կարևորագույն կոնվենցիաները։