Եվրոպական գետնասկյուռի վերածնունդը
Եվրոպական գետնասկյուռը (Spermophilus citellus) տարածված գյուղատնտեսական վնասատու էր համարվում 1950-ականներին։ Քառասուն տարի անց այն դարձավ ծայրահեղ վտանգված տեսակ, որին անհետացում է սպառնում։ Այսօր Չեխիայի Հանրապետությունում դրա պոպուլյացիան կարծես ապահով է, ի թիվս այլնի, Գործողությունների ծրագրի և տեղացի ֆերմերների հետ համագործակցության շնորհիվ։
Պահպանության կարգավիճակը
Եվրոպական գետնասկյուռը ներառված է ԲՊՄՄ-ի «Վտանգված տեսակների կարմիր ցուցակում»՝ որպես վտանգված տեսակ։ Գետնասկյուռն ընդգրկված է նաև ԵՄ «Կենսամիջավայրերի մասին» հրահանգում, իսկ դրա բնակության վայրերը պաշտպանության նպատակով «Նատուրա 2000» ցանցի մաս են կազմում։ Դրա տարածվածության հիմնական շրջանակը ներառում է Հարավարևելյան Եվրոպան։ Չեխիայի Հանրապետությունում կենդանատեսակին կարելի է հանդիպել ընդհուպ մինչև Եվրոպական լեռնաշղթայի արևմտյան գագաթին։
Կենդանատեսակի պաշտպանությանն ուղղված գործողությունները
Չեխիայի Հանրապետությունում սկյուռների խմբերը մեծ մասամբ փոքրաթիվ էին և գտնվում էին ոչնչացման վտանգի տակ։ Չեխիայի Հանրապետության Բնության պահպանության գործակալությունը մշակել է հատուկ Գործողությունների ծրագիր՝ կենդանատեսակի արդյունավետ պաշտպանությունն իրականացնելու նպատակով։
Գետնասկյուռի թվաքանակը մշտադիտարկվում է, ինչպես նաև նախաձեռնվել են պահման վայրերում բազմացման և տեսակների տեղափոխման ծրագրեր։ Չնայած գետնասկյուռի մի քանի խումբ անկում է ապրել, կենդանատեսակի ընդհանուր թվաքանակը կայուն աճ է գրանցում։
Պատասխանատու կառույցը
Չեխիայի Հանրապետության Բնության պահպանության գործակալությունը Գործողությունների ծրագիրն իրականացնող հաստատությունն է։ Մի քանի տեղական ծրագրեր ֆինանսավորվել են Եվրոպական Միության LIFE Program-ի շրջանակներում։
Ուսանելի օրինակ
Երկարաժամկետ LIFE ծրագիր է իրականացվել սկյուռի՝ որպես Չեխիայի Հանրապետության «Չեսկե Ստրեդոհորի» պահպանվող լանդշաֆտային տարածքի տափաստանային բիոտոպներում բնակվող կարևորագույն կենդանատեսակի համար։
Ծրագրի նպատակը տարածքի կայուն օգտագործումն էր, ինչը նպաստեց ոչխարաբուծության և այծաբուծության գծով նոր ձեռնարկությունների, ինչպես նաև պանրի արտադրության հիմնադրմանը։ Սա վառ օրինակ է այն բանի, թե ինչպես կարելի է միաժամանակ պահպանել կենսաբազմազանությունը և աջակցել տեղական տնտեսությանը։
Նշենք նաև, որ 2014թ․-ին ծրագիրն արժանացել է «Նատուրա 2000» մրցանակին։
Կապ՝
Տերեզա Բրզոբոհատա, Եվրոպական գետնասկյուռի վերաբերյալ գործողությունների ծրագրի համակարգող
Չեխիայի Հանրապետության Բնության պահպանության գործակալություն
Այս էլ-փոստի հասցեն ծածկագրված է թափոնափոստի բոթերից։ Այն տեսնելու համար անհրաժեշտ է միացնել JavaScript։